Teri yaad aati hai Maa.

By fireiceandallthingsnice - February 27, 2018



Teri yaad aati hai Maa !
Tera muskarana, tera hasna,
tera pyar se mujhe pukarna,
meri har ek baat dhyaan se sunna,
tera wo masoomi se baatein karna,
mere phone ka intezaar karte karte gussa hona,
sab yaad aata hai Maa.

Teri yaad aati hai Maa!
Mera teri goodi par so jaana,
saari pareshaniyon ko bhul jana,
mera tujhe haq se khane ki farmaish karna,
aur tera pyar se usse banakar mujhe khilana,
meri har mushkil mein mera hisedar banna,
aur apne har dard ko haske chupa lena,
tera hadd se jyaada pyar karna,
meri galtiyon ko maaf karna,
aur meri har zidd ko pyar se pura karna,
mere har uplabdhi par naaz karna,
aur unpe mujhse jyada tera khush hona,
sab yaad aata hai maa.

Bohot kar liya sab ke liye,
par kiya hi kya, jab kuch na kiya tere liye!
Tere jaisa pyar nahi duja is jahan mein,
tujhe mera pyar dikh jaye is kavita mein.
Bus yahi khwaish hai is abhari beti ki,
tere hisse aaye khushiyan meri bhi,
jo mere liye neenden tyagi tune,
har us pal se dugni dua mile tujhe,
yeh mera pyar bhara tofa teri liye, bus tere liye.
Kyonki, tere pyar sirf mere liye, sirf mere liye!


P.S: Honest confession, I looked up the words in hindi for grateful and achievements on google, which mean abhari and uplabdhi respectively. I have been missing my mom very much lately, even though I speak to her daily on phone. Being in person can never feel the same no matter what technology we develop. I might have done different things to show my love to my friends and other loved ones, but then why not to the one who loves me the most in the world. So this poem came to me today when I was speaking to Amma on call today. I hope she feels loved and special through this one. I love you, Amma😊

  • Share:

You Might Also Like

1 comments

  1. So cute:-) yeh poem padke mujhe kisi aur poem ki yaad aa gayi.. Lol.. Jahan author ne rhyme kiye the words.. Lol.. Hope u understood

    ReplyDelete

Please take time to provide your comments.